លោកស្រីនាយិការងប្រតិបត្តិសាខាកាកបាទក្រហមកម្ពុជាខេត្តកំពង់ធំ ចុះអប់រំផ្សព្វផ្សាយ ការទប់ស្កាត់ការឆ្លងរាលដាលនៃជំងឺគ្រុនឈាម នៅស្រុកតាំងគោក
(កំពង់ធំ)÷ នៅព្រឹកថ្ងៃទី០៩ ខែតុលា ឆ្នាំ២០២៣ នេះលោកស្រី ឡេង សុឃីម នាយិការងប្រតិបត្តិសាខាកាកបាទក្រហមកម្ពុជាខេត្តកំពង់ធំ រួមដំណើរដោយមន្ត្រីក្រុមប្រតិបត្តិសាខា និងលោកស្រី អ៉ឹម សុខវិន អភិបាលរងស្រុកតាំងគោក បានសហការជាមួយមន្ទីរពេទ្យបង្អែកស្រុក ការិយាល័យប្រតិបត្តិ ស្រុកបារាយណ៍ – សន្ទុក និងមណ្ឌលសុខភាពឃុំទ្រៀល អ្នកស្ម័គ្រចិត្ត និង ប្រជាពលរដ្ឋ បានចុះធ្វើយុទ្ធនាការដាក់ថ្នាំអាបែ៉ត រួមជាមួយការអប់រំផ្សព្វផ្សាយ ស្តីពីវិធីបង្ការការពារ ការឆ្លងរាលដាលនៃជំងឺគ្រុនឈាម តាមរយៈខិត្តប័ណ្ណរូបភាព និង ណែនាំផ្ទាល់មាត់ជូនប្រជាពលរដ្ឋតាមខ្នងផ្ទះបានចំនួន០១ភូមិ មាន៣៥ខ្នងផ្ទះដែលមានអ្នកចូលរួមសរុប ៧៥នាក់ ស្ថិតនៅ ភូមិគីរីអណ្តែត ឃុំទ្រៀល ស្រុកតាំងគោក ខេត្តកំពង់ធំ ។
លោកស្រី អ៉ឹម សុខវិន អភិបាលរងស្រុកតាំងគោក បានលើកឡើងថា ៖ ជំងឺគ្រុនឈាមបណ្តាលមកពីមូសខ្លាខាំ ហើយមូសខ្លា គឺកើតចេញពីដង្កូវទឹក ព្រោះដង្កូវទឹកមាននៅក្នុងពាង អាង ឬ វត្ថុដែលអាចដក់់ទឹកបានដែលនៅជុំវិញក្នុងផ្ទះរបស់ បង ប្អូន ។ លោកស្រីបានមន្ថែមថា ៖ ពីវិធីសាស្រ្តងាយស្រួលដើម្បីប្រយុទ្ឋ និងជំងឺគ្រុនឈាម បង ប្អូន ត្រូវតែសំអាត អនាម័យ អោយខ្ជាប់ខ្ជួន នៅបរិវេនជុំវិញផ្ទះ ជៀសវាសផ្តល់ជម្រក់សម្រាបមូសខ្លាបង្ករកំនើតបាន ។ បើកុមារក្តៅខ្លួនខ្លាំងក្នុងរយៈ០២ថ្ងៃមិនធូរស្បើយ ត្រូវបញ្ជូនទៅកាន់ មន្ទី
រពេទ្យ ឬ មណ្ឌលសុខភាពដែលនៅជិនផ្ទះលោកអ្នក ។
ជាមួយនេះផងដែរលោកស្រី ឡេង សុឃីម នាយិការងប្រតិបត្តិសាខា ក៏ដូចជា ក្រុមការងារតែងបានក្រើនរំលឹកដល់បងប្អូនប្រជាពលរដ្ឋទាំងអស់ សូមយកចិត្តទុកដាក់គិតគូរជាប្រចាំពីសុខភាព និងសុវត្ថិភាពផ្ទាល់ខ្លួនដោយត្រូវចូលរួមរក្សាអនាម័យបីប្រការ (ហូបស្អាត .ផឹកស្អាត .រស់នៅស្អាត ) ឱ្យបានខ្ជាប់ខ្ជួន ក្នុងនេះត្រូវសំរាកក្នុងមុង ហើយសំអាតជុំវិញលំនៅដ្ឋានដោយប្រមូលដុតកំទេចចោលនូវវត្ថុដែលដក់ទឹកទាំងឡាយ មានសំបកកំប៉ុង សំបកដូង កង់ឡានចាស់ៗ ដែលជាជម្រកដង្កូវទឹក ជម្រកមូសខ្លាញី ជាប្រភពចម្លងជំងឺ គ្រុនឈីក គ្រុនឈាម រួមជាមួយការដាក់ថ្នាំអាបែត ក្នុងអាង ឬពាងទឹក ដែលមានគម្របជិតល្អ ។
នាយិការងប្រតិបត្តិសាខា ក៏បានជំរុញលើកទឹកចិត្ត និងលើកកម្ពស់ការយល់ដឹង អំពីរោគសញ្ញា និង ចូលរួមទប់ស្កាត់ការចម្លងនៃ មេរោគអុតស្វា ដែលឆ្លងពីមនុស្សម្នាក់ ទៅ មនុស្សម្នាក់ បានតាមរយ: ការប៉ះពាល់ដោយផ្ទាល់ជាមួយស្នាមរបួស កន្ទួលពងបែក ឬក៏ប៉ះជាមួយសម្លៀកបំពាក់ ក្រណាត់កម្រាល ដែលមានប្រឡាក់ស្នាមឈាម ឬ ទឹករងៃ ពីអ្នកផ្ទុកមេរោគ ។
សូមបញ្ជាក់ផងដែរ សូមបងប្អូនប្រជាពលរដ្ឋទាំងអស់ត្រូវតែអនុវត្តពីវិធានការក្នុងការចុះអប់រំផ្សព្វផ្សាយនេះ ហើយក្រុមការងារបានប្រើប្រាស់ថ្នាំអាបែ៉ត អស់ចំនួន
៤០គីឡូក្រាម ចែកខិត្តប័ណ្ណខ្នាតតូច ចំនួន៧៥សន្លឹក និង ផ្ដល់សាប៊ូដុសខ្លួនដល់អ្នកចូលរួមចំនួន៧៥នាក់ផងដែរ ៕
ដោយ= ( NCTV )