គោយន្តកន្ត្រៃដឹកជញ្ជួនផលអនុផលព្រៃឈើ ត្រូវកម្លាំងសង្កាត់រដ្ឋបាលព្រៃឈើកោះញ៉ែក បង្ក្រាបបាន តែមិនបានមួយដង្ហើមចង្រិតផង ក៏ដោះលែងទៅវិញដោយសុវត្ថិភាព !!
(ខេត្តមណ្ឌលគីរី) ៖ កាលពីថ្ងៃទី ១២ ខែមករា ឆ្នាំ ២០២៤ ថ្មីៗនេះ កម្លាំងសង្កាត់រដ្ឋបាលព្រៃឈើកោះញ៉ែក បង្ក្រាបបានគោយន្តកន្ត្រៃដឹកឈើ ចំនួន ០៤ គ្រឿង ( ឈើប្រហែល១០ម៉ែត្រគីប ) នៅត្រង់ចំណុច ភូមិអូរបួន ឃុំអូរបួន ស្រុកកោះញ៉ែក ខេត្តមណ្ឌលគីរី ។ តែការចាប់បង្រ្កាបនោះមិនបានមួយដង្ហើមចង្រិតផង ក៏ត្រូវដោះលែងទៅវិញដោយសុវត្ថិភាព ដោយមានវត្តមាន លោកនាយទាហ៊ានម្នាក់ ចំណុះអង្គភាពសឹករងស្រុកកោះញ៉ែក ជាអ្នកចេញមុខដោះស្រាយយកឈើនោះចេញ ។
បើតាមសេចក្តីរាយការណ៍បានអោយដឹងថា៖ ម្ចាស់គោយន្តដឹកឈើទាំង០៤ នាក់នោះ ទី១ ឈ្មោះ និត /ទី២ ឈ្មោះ វិត /ទី៣ ឈ្មោះ រ៉ា / និង ទី៤ ឈ្មោះ ហ៊ា ។ ប្រភពដដែលបានបន្ថែមទៀតថា៖ ម្ចាស់គោយន្តដឹកឈើទាំង០៤ នាក់នោះ គឺជាឈ្មួញឈើ យ៉ាងសកម្មប្រចាំ ភូមិអូរបួន ឃុំអូរបួន ស្រុកកោះញ៉ែក ទៀតផង ។
ជំវិញការដោះលែងឈើ ដោយស្ងាត់ៗបែបនេះ អង្គភាពសារព័ត៌មានយើងបានទាក់ទង ទៅលោក នាយសង្កាត់រដ្ឋបាលព្រៃឈើកោះញ៉ែក លោក ថន សេរីវុទ្ឌ ជាច្រើនដង តែលោកមិនលើកទូរស័ព្ទឡើយ ។ រីឯ លោក ផានិត ដែលជានាយទាហ៊ាន ចំណុះអង្គភាពសឹករងស្រុកកោះញ៉ែក ដែលបានអៈអាងថា ជាម្ចាស់ឈើនោះ បានផ្តល់បទសម្ភាសន៍តាមទូរស័ព្ឌថា ឈើនោះលោកបានស្នើរសុំយកមកកសាងអង្គភាព ដោយមានការឯកភាពពីថ្នាក់រដ្ឋបាលស្រុកទៀតផង ចំណែក ឯកសា ពាក់
ព័ន្ធដែលអនុញាតិ ពីរដ្ឋបាលស្រុកនោះ លោកនាយទាហ៊ាន ឈ្មោះ ផានិត ម្នាក់នោះ មិនបានផ្តល់មកអោយសារព័ត៌មានយើងឡើយ ។
ចំណែកលោក ឌឹម មុន្នី អភិបាលស្រុកកោះញ៉ែក សារព័ត៌មានយើងបានទាក់ទង តាមទូរស័ព្ទ តែលោកឆ្លើយថាជាប់រវល់ប្រជុំ រីឯ លោក សុខ ឃាង ប្រធានមន្ទីរកសិកម្ម ខេត្តមណ្ឌលគីរី សារព័ត៌មានយើងបានទាក់ទងតាមរយៈ ០៩៧ ៦៧៨៨៧៦៦ តែលោកឆ្លើយថា ច្រឡំលេខ ។
មហាជនដាក់ការសង្ស័យថា ការដោះលែងគោយន្តកន្រ្តៃដឹកឈើទាំងបួនគ្រឿងនោះ គឺមានការឃោបឃិតគ្នាជាប្រព័ន្ធ ។ ប្រជាពលរដ្ឋបានស្នើសុំទៅលោក ថង សាវុន អភិបាលនៃគណៈអភិបាលខេត្តមណ្ឌលគីរី មេត្តាជូយពិនិត្យមើល ពីសកម្មភាពកាប់បំផ្លាញ ព្រៃឈើ នៅស្រុកកោះញ៉ែកនេះផងទាន ៕
អង្គភាពសារព័ត៌មាន (NCTV) យើងខ្ញុំ រងចាំការបកស្រាយពីគ្រប់សាម៉ីពាក់ព័ន្ធរៀងរាលម៉ោងធ្វើការ ។
