ក្រុមអាជីវករជាង ៣០នាក់ ប្តឹងជំទាស់ស្ត្រីម្នាក់ ជាអាជីវករដូចគ្នា អំពីរឿងវាយទម្លុះជញ្ជាំងតូបពង្រីកយកកន្លែងសាធារណៈ មកធ្វើជាកម្មសិទ្ធិ ផ្សារកំពង់ធំថ្មី (សួន យាយ តា )
( កំពង់ធំ ) ៖ ថ្មីៗនេះ ក្រុមអាជីវករ ជាង ៣០នាក់ ដែលលក់ដូរនៅផ្សារកំពង់ធំថ្មី (សួនយាយ តា ) កំពុងប្តឹងជំទាស់ ស្រ្តីម្នាក់ ដែលជាអាជីវាករដូចគ្នា ដោយ ចោទប្រកាន់ថា ស្ត្រីម្នាក់នោះ បានវាយទម្លុះជញ្ជាំងតូប ដើម្បី យកកន្លែងសាធារណៈ មកធ្ចើជាកម្មសិទ្ធិរបស់ខ្លួន ។ រឿងនេះបានកើតឡើងនៅចំណុច ផ្សារកំពង់ធំថ្មី ( សួនយាយ តា ) ឋិតនៅ ភូមិកំពង់ធំ សង្កាត់កំពង់ធំ ក្រុងស្ទឹងសែន ខេត្តកំពង់ធំ ។
យោងតាមប្រភបានអោយដឹងថា៖ ផ្សារកំពង់ធំថ្មី ( សួនយាយ តា ) មានចំនួន ៤៦ តូប សង់បែរមុខទៅទិសខាងកើតចំនួន ២២ តូប បែរមុខទៅទិសខាងលិចចំនួន ១៩ តូប និង បែរមុខទៅទិសខាងត្បូងចំនួន ០៥ តូប ដោយតូបនិមួយៗ មានទំហំ ០២ម៉ែត្រ គុណ ០៤ ម៉ែត្រ។ ប្រភពដដែលបានបន្ថែមទៀតថា តូប
លេខ ២៤ ជាតូប របស់ឈ្មោះ ម៉ឺប សុភាព បែរមុខទៅទិសខាងត្បូង នៅជ្រុងខាងកើត តែពុំមែនជាតូបកាច់ជ្រុង ឬ តូបកែង នោះទេ ! ដោយបច្ចុប្បន្ននេះ ឈ្មោះ ម៉ឹប សុភាព បានលូចវាយទម្លុះជញ្ជាំងផ្សារទាំងកណ្តាលយប់ ពង្រីកយកកន្លែងសាធារណៈ និង ដើម្បីអោយតូបរបស់ខ្លួន ក្លាយជាតូបកាច់ជ្រុង ឬ តូបកែង ។
អាជីវករ លក់ដូរ នៅផ្សារនោះ បានប្រាប់អោយដឹងទៀតថា ៖ ផ្សារកំពង់ធំថ្មី ( សួនយាយ តា ) នេះ បានរៀបចំកសាងឡើងតាំងពីសម័យ រដ្ឋបាលក្រុងរបស់ លោក ម៉ាក់ ប៊ុនហុង ជាអភិបាលក្រុង និង ឯកឧត្តម សុខ លូ ជាអភិបាលខេត្ត មកម្លេះ ។ កាលនោះ ឈ្មោះ ម៉ឹប សុភាព ដែលជាម្ចាស់តូប លេខ ២៤ បានវាយទម្លុះជញ្ជាំងតូប ម្តងរូចមកហើយ ពេលនោះលោក ម៉ាក់ ប៊ុនហុង អភិបាលក្រុងស្ទឹងសែន ក៏បានដោះស្រាយ និង អោយឈ្មោះ ម៉ឺប សុភាព រៀបចំជញ្ជាំងបិទផ្ចិត ដូចដើមឡើងវិញទៀតផង ។ ហើយលោក អភិបាលក្រុង ក៏បានចេញសេចក្តីជូនដំណឹង
(ស.ជ.ណ) ចុះថ្ងៃទី ២០ ខែកញ្ញា ឆ្នាំ ២០២០ ដោយមានខ្លឹមសារថា តូបលេខ ២០ និងតូបលេខ ២៤ បែរមុខមកទិសខាងត្បូង ចំណែកជ្រុងខាងលិច និង ជ្រុងខាងកើត គឺសុទ្ធតែមានជញ្ជាំងបិទផ្ចិត ទាំងសង្ខាង មិនអនុញ្ញាតិអោយម្ចាស់តូបមួយណា វាយជម្លុះជញ្ជាំងនោះ ដើម្បីយកកន្លែងសាធារណៈមកពង្រីកតូបរបស់ខ្លួនឡើយ ។
ដំណាងអាជីវករ ក៏បានប្រាប់សារព័ត៌មានយើងថា៖ នៅពាក់កណ្តាលអាធ្រាតយប់ថ្ងៃសុក្រទី១៥ ធ្នូ ឆ្នាំ២០២៣
ឈ្មោះ ម៉ឺប សុភាព បានលូចធ្វើសកម្មភាពវាយទម្លុះជញ្ជាំងតូបនោះជាថ្មីម្តងទៀត ខណៈនោះដែរ ក៏មានសមត្ថកិច្ចមួយចំនួន នៅនឹងកន្លែងកើតហេតុនោះ ផងដែរ តែពួកគាត់មិនបានអើរពើរឡើយ ដោយទុកអោយ បុគ្គល់ឈ្មោះ ម៉ឹប សុភាព វាយទម្លុះជញ្ជាំងតូបទាំងកណ្តាលយប់ តាមតែអំពើរចិត្ត ។
គួររំឭកផងដែរថា ៖ ប្លង់ផ្សារមាន ០៤ជ្រុង តែ០៣ជ្រុងនៅរក្សារសភាពដើម ចំណែក ០១ជ្រុង ជាតូបរបស់ឈ្មោះ ម៉ឹប សុភាព ត្រូវបានវាយទម្លុះជញ្ជាំងតូបពង្រីក យកកន្លែងសាធារណៈមកធ្វើជាកម្មសិទ្ធិ ដែលបណ្តាលអោយខុសពី ទ្រង់ទ្រាយដើមទាំងស្រុង ។
ជុំវិញការចោទប្រកាន់ខាងលើ សារព័ត៌មានយើង ក៏បានសុំការផ្តល់បទសម្ភាសន៍ពី លោកស្រី ម៉ឹប សុភាព ដែរ តែលោកស្រីបានឆ្លើយថា គ្មានពេលទំនេរ
។ ចំណែកលោក ពេញ កែម ជាអភិបាលក្រុងស្ទឹងសែន បានផ្តល់បទសម្ភាសន៍ តាមទូរស័ព្ទថា ៖ រឿងនេះជារឿងទំនាស់ រាប់ឆ្នាំមកហើយ រូបលោកអត់មានលទ្ធភាពក្នុងការដោះស្រាយនោះទេ ដោយប្រាប់អោយពួកគាត់ ប្តឹងទៅតុលាការចុះ ។
ក្រុមអាជីវករ អស់ជំនឿ ចំពោះ លោក ពេញ កែមអភិបាលក្រុងស្ទឹងសែន ដែលលោកឃើញពីការវាយទម្លុះជញ្ជាំងតូបពង្រីកយកកន្លែងសាធារណៈ ធ្វើជាកម្មសិទ្ធិ ពីសំណាក់បុគ្គល់ឈ្មោះ ម៉ឹប សុភាព ដោយដាក់ទាំងទ្វារមូរ និង លក់ឥវ៉ាន់ លើកន្លែងសាធារណៈយ៉ាងរំភើយ ដែលធ្វើអោយខុសពីទ្រង់ទ្រាយដើមរបស់ផ្សារ ដែលធ្វើអោយប៉ះពាលដល់សណ្តាប់ធ្នាប់សាធារណៈ យ៉ាងធ្ងន់ធ្ងរ តែលោកអភិបាលក្រុងបែរជាគ្មានដំណោះស្រាយទៅវិញ ។ ក្រុមអាជីវករ បានទទូចស្មើរសុំ ឯកឧត្តម ងួន រតនៈ អភិបាលខេត្តកំពង់ធំ មេត្តា ជូយរកដំណោះស្រាយ ដើម្បីរៀបជញ្ជាំងតូបនោះបិទផ្ចិតឡើងវិញ និង យកកន្លែងសាធារណៈ ដែលនៅទិសខាងកើតនៃជ្រុងផ្សារ ជាប់នឹងតូបលេខ ២៤ ជាតូបរបស់ឈ្មោះ ម៉ឺប សុភាព កំពុងកាន់កាប់នោះ មកទុកជាកន្លែងសាធារណៈវិញ ៕
(NCTV ) អង្គភាពយើងរង់ចាំការបកស្រាយពីសាម៉ី ពាក់ព័ន្ធ រៀងរាលម៉ោងធ្វើការ ។