ឈ្មួញឈើក្លាហាន ហ៊ានដឹកឈើកាត់ព្រឹក ត្រូវបានជាប់អន្ទាក់ សមត្ថកិច្ច នៅចំណុច ភូមិ អូរ៤ ស្រុកកោះញែក !
(មណ្ឌល់គីរី) = ថ្មីៗនេះមានបុរសជាឈ្មួញឈើ ក្លាហានម្នាក់ ឈ្មោះ រ៉ាវី អាយុ ប្រហែលជាង ២០ឆ្មាំ រស់នៅ ឃុំអូរ០៤លើ ស្រុកកោះញែក ខេត្តមណ្ឌលគីរី បានដឹកជញ្ជួនឈើ ប្រភេទលេខ ០១ សុក្រំ សង្ស័យខុសច្បាប់ ត្រូវបានមកជាប់អន្ទាក់ សមត្ថកិច្ច នៅចំណុច ភូមិអូរ០៤ ឃុំអូរ០៤លើ ស្រុកកោះញែក ខេត្តមណ្ឌល់គីរី ។
យោងតាមសេចក្តីរាយការណ៍បានអោយដឹងថា កាលពីវេលាម៉ោង ១០និង ០០នាទី ព្រឹកថ្ងៃទី ១២ ខែធ្នូរ ឆ្នាំ ២០២៣ មានរ៉ូម៉កមួយគ្រឿងដឹកជញ្ជូនផលអនុផលព្រៃឈើខុសច្បាប់ ឈើប្រភេទលេខ០១ សុក្រំ ចំនួន ៤៥ សន្លឹក ប្រហែលជាង ០១ម៉ែត្រគូប ដឹកចេញពីភូមិស្រែថាស ភូមិស្រែធំ ឃុំសុខសាន្ត ឆ្ពោះទៅ ឃុំអូរ ០៤លើ លុះមកដល់ចំណុចភូមិអូរ០៤ ក៏ត្រូវបានជាប់អន្ទាក់របស់សមត្ថកិច្ច រដ្ឋបាលព្រៃឈើតែម្តង ។ ប្រភពដដែលបានបន្តថា បុគ្គល់ ឈ្មោះ រ៉ាវី នេះតែងតែធ្វើសកម្មភាព ដឹកជញ្ជួនឈើខុសច្បាប់ស្ទើរតែរៀងរាល់ថ្ងៃ ពុះដែលឃើញមានសមត្ថកិច្ចណាបង្រ្កាប់បានឡើយ ។
បើតាមប្រសាសន៍របស់លោក ឆន សិរីវុទ្ធ នាយសង្កាត់រដ្ឋបាលព្រៃឈើអូរ ០៤ និង ណងជីលឹក បានអោយដឹងថា កាលពីថ្ងៃទី ១២ ខែធ្នូ កម្លាំងរបស់លោក បានចុះបង្ក្រាប បានរ៉ូម៉កដឹកឈើសុក្រំ ជាប្រភេទឈើលេខ០១ ចំនួនមួយគ្រឿង ប៉ុន្តែមិនទាន់ដឹងច្បាស់ថាឈើនោះមានចំនួនប៉ុន្មាននៅឡើយទេ ! ហើយទីកន្លែងដែលឃាត់ស្ទាក់ចាប់បានគីនៅ ចំណុចភូមិអូរ ០៤ ដោយអូសរឹបយក វត្ថុតាង ទាំងអស់ យកមករក្សាទុកនៅសង្កាត់រដ្ឋបាលឈើ ដើម្បីដោះស្រាយតាមនិតិវិធីច្បាប់ស្តីពីព្រៃឈើ ៕
ដោយ= NCTV
