លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ ជួបសំណេះសំណាល និង ផ្ដាំផ្ញើរដល់សិក្ខាកាមដែលទ់ើបបានបញ្ចប់វគ្គ ចំនួន ៩៨នាក់
(កំពង់ធំ)÷ នៅព្រឹកថ្ងៃទី១១ ខែតុលា ឆ្នាំ២០២៣ លោកឧត្តមសេនីយ៍ទោ ម៉ែន លី ស្នងការនគរបាលខេត្ត បានអញ្ជើញជួបសំណេះសំណាល ជាមួយសិក្ខាកាម ដែលទើបបញ្ចប់វគ្គបណ្ដុះបណ្ដាល ជំនាញរយៈពេលខ្លីមុន និង សិក្ខាកាមទាំងអស់ ចូលបំរើការជាមន្ត្រីនគរបាល ប៉ុស្តិ៍រដ្ឋបាលឃុំ សង្កាត់ ក្នុងខេត្តកំពង់ធំ ។
លោកឧត្តមសេនីយ៍ទោ បានលើកឡើងថា ថ្ងៃនេះមានក្ដីសោមនស្សរីករាយយ៉ាងក្រៃលែង ដែលបានជួបសំណេះ
សំណាល ជាមួយប្អូនៗ ក្មួយៗ ជាសិក្ខាកាម ដែលបានបញ្ចប់វគ្គបណ្តុះបណ្តាលបំប៉នជំនាញរយៈពេលខ្លី នៅស្នងការដ្ឋាននគរបាលខេត្តកំពង់ធំ អស់រយៈ៤៣ថ្ងៃកន្លងទៅ ក្នុងការតស៊ូដើម្បីឱ្យសមត្ថភាពខ្លួនឯងមានជំនាញ និង ចំណេះដើម្បីបម្រើជូន ប្រជាពលរដ្ឋ នៅក្នុងមូលដ្ឋាន ។
ជាមួយគ្នានេះដែរលោកស្នងការ ក៍បានថ្លែងអំណរគុណ ចំពោះគ្រូបង្គោល ដែលបានខិតខំប្រឹងប្រែយ៉ាងយកចិត្តទុកដាក់ និង ចំណាយពេលវេលា ដ៏មានតម្លៃ ចូលរួមបង្ហាត់បង្រៀន ចែករំលែកចំណេះដឹងបទពិសោធន៍ ដល់ប្អូនៗ សំដៅចូលរួមចំណែកកសាងធនធានមនុស្ស និងបានកោតសរសើរចំពោះសិក្ខាកាម ទាំងអស់ដែលបានយកចិត្តទុកដាក់ សិក្សារៀនសូត្រក្រេបយកចំណេះវិជ្ជា ស្វែងយល់អំពីជំនាញនីមួយៗ ពីគ្រូឧទ្ទេស រហូតសម្រេចបាន លទ្ធផលជោគជ័យ គួរជាទីមោទនៈ ។
លោកឧត្តមសេនីយ៍ទោ ក៏បានផ្ដាំផ្ញើ ដល់ប្អូនៗជាទំពាំងស្នងឬស្សី មន្ត្រីនគរបាលជាតិ បន្តវេន ពេលត្រលប់ ទៅបំពេញភារកិច្ច តាមបណ្តាអង្គភាពវិញ÷១.ប្រកាន់ភ្ជាប់គោរពវិន័យ សីលធម៌ សាមគ្គីភាព អនុវត្តតួនាទី ភារកិច្ច ប្រកបដោយស្មារតីទទួលខុសត្រូវខ្ពស់ ។២.ពង្រឹងសមត្ថភាពជំនាញ ខិតខំសិក្សារៀនសូត្របន្ថែម អំពី ច្បាប់ ក្រមនីតិវិធី វិធានជំនាញ របស់កងកម្លាំងនគរបាលជាតិ រួមផ្សំស្រាវជ្រាវស្វែងយល់ចំណេះដឹងទូទៅ ដែលមាននៅតាមបណ្ដាញសង្គម ។ ៣.ចូលរួមថែរក្សា កសាង សមិទ្ធិផល របស់អង្គភាព។ ៤.បង្កើនកិច្ចសហការល្អ ជាមួយកងកម្លាំងមន្ត្រីរាជការអាជ្ញាធរ ជុំវិញមូលដ្ឋាន ។
សូមបញ្ជាក់ដែរថា វគ្គបណ្តុះបណ្តាលបំប៉នជំនាញមានរយៈពេល៤៣ថ្ងៃ គ្រូឧទ្ទេសនាមចំនួន០៥នាក់ មេរៀនចំនួន ០៥ជំនាញ សិក្ខាកាមចំនួន៩៨នាក់ ស្រី៣៣នាក់ និងត្រូវចូលបំរើការងារនៅតាមប៉ុស្តិ៍នគរបាលរដ្ឋបាល ក្នុងមូលដ្ឋានខេត្តកំពង់ធំ៕
ដោយ= NCTV