យុវតីម្នាក់សម្រេចចិត្ត លោតទឹកធ្វើអត្តឃាត ព្រោះខឹង
ជីដូន និង ម្ដាយមីងស្ដីបន្ទោស បន្តិចបន្តួច ! ( បឋម)
(កំពង់ធំ)៖ យុវតីម្នាក់គិតខ្លីបានសម្រេចចិត្ត លោតទឹកធ្វើអត្តឃាត ព្រោះ ខឹងជីដូន និង ម្ដាយមីង ដែលនៅរស់ជាមួបានស្ដីបន្ទោស បន្តិចបន្តួច ។ ហេតុការណ៍នេះបានកើតឡើងនៅម៉ោងប្រមាណ ១៩:២៥នាទី ព្រលប់ ថ្ងៃទី ០១ ខែតុលា ឆ្នាំ២០២៣ នៅចំណុចលើស្ពានថ្មកំពង់ធំ ស្ថិតក្នុង ភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ។
តាមប្រភពពីលោកវរសេនីយ៍ឯក គឹម សុខមករា អធិការនគរបាលក្រុងស្ទឹងសែន បានដឹងថា៖ យុវតីដែលលោតទឹកសម្លាប់ខ្លួននោះមានឈ្មោះ ម៉ៅ សុភាព ភេទស្រី អាយុ១៥ឆ្នាំ ជាសិស្សរៀនថ្នាក់ទី០៩នៅវិទ្យាល័យកំពង់ធំ ជាក្មេងកំព្រាឪពុក មានម្ដាយឈ្មោះ ហាប់ សុផាន អាយុ៥៦ឆ្នាំ មុខរបរលក់ដូរ (ចេញទៅរកស៊ី) រស់នៅ ភូមិក្តីដូង សង្កាត់ព្រៃតៅហ៊ូ ក្រុងស្ទឹងសែន ខេត្តកំពង់ធំ ។
ប្រភពដដែលឱ្យដឹងទៀតថា ៖ សព្វថ្ងៃយុវតីរងគ្រោះស្នាក់នៅជាមួយជីដូន និង ម្តាយមីង ឈ្មោះ ប៊ូ សុធារ៉ា អាយុ ៥៦ឆ្នាំ មានមុខរបរជាមេផ្ទះ ស្ថិតនៅ ភូមិ/សង្កាត់ ជាមួយម្តាយជនរងគ្រោះខាងលើ ។
តាមការបញ្ជាក់របស់សមត្ថកិច្ច បានអោយដឹងបន្ថែមថាមូលហេតុដែលធ្វើអោយយុវតី សម្រេចចិត្តលោតទឹកធ្វើអត្តឃាតនោះ ព្រោះតែខឹងជីដូន និង ម្ដាយមីង ខ្លួនដែលនៅជាមួយ បានស្ដីបន្ទោសរឿងដើរលេង មើលទូរស័ព្ទ និង មិនជូយធ្វើការងារផ្ទះ ព្រោះថ្ងៃស្អែក គឺជាថ្ងៃត្រូវប្រឡងផងនោះ ! បច្ចុប្បន្នសមត្ថកិច្ច និង ក្រុមគ្រួសាររងគ្រោះកំពុងធ្វើការស្រាវជ្រាវតាមរក ៕
(ដោយលោក ធូ កែវមុន្នី)